Mjeku Edmond Gashi, i cili ditën e djeshme pasi doli me vrap nga Gjykata dhe shkoi në një kafe, ka dhënë dëshminë para policisë. Ai tha se vuan nga diabeti dhe se kishte dalë të merrte diçka se nuk ndihej mirë.
“Jam me diabet, u ndjeva keq dhe ndalova për të marrë diçka“, është shprehur ai.
Policia ditën e djeshme mori informacion se Edmond Gashi kshte thyer masën dhe ndodhej në një lokal në Kus, në Kashar. Pasi policia mbërriti në ambientet e lokalit, mjeku nuk u gjet aty, por në banesën e tij në rrugën “Gelopsi”, në kryeqytet.
Mirëpo, pas kqyrjes së kamera të sigurisë së lokalit doli në pah se mjeku Gashi kishte qenë në ato ambiente. Po ashtu uniformat blu, përmes një njoftimi zyrtar konfirmuan se mjeku thyer kishte shkelur masën e sigurisë “Arrest në shtëpi”.
“Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. G., 47 vjeç, banues në Tiranë, për veprën penale “Largimi i të burgosurit nga vendi i qëndrimit”, dhe për shtetasin E. S., 22 vjeç, banues në Tiranë, për veprën penale “Veprime që pengojnë zbulimin e së vërtetës”.
Mjeku Edmond Gashi dhe pjesa tjetër e stafit të Spitalit Onkologjik u njohën ditën e djeshme me masat shtrënguese të dhëna ndaj tyre nga Gjykata e Tiranës. Për personin në fjalë, u vlerësua i ligjshëm “Arresti në shtëpi” deri në përfundim të hetimeve.
