Legjenda e muzikës pop, Prince e kishte parashikuar vdekjen. Motra e tij, Tyka Nelson, foli lidhur me ikonën e “Purple Rain”, i cili ndërroi jetë më 21 prill të 2016-s, pas një ovedroze fatale. Ajo u shpreh se i vëllai po e përgatiste për vdekjen e tij.
Duke folur për “People” ajo u shpreh: “Tre vite më parë ai më telefonoi…. më tha: “Mendoj se kam bërë gjithçka që duhet të bëja”. Babi im dhe Prince kanë folur gjithmonë me ironi. Ai e dinte. Dhe po më përgatiste mua për këtë. Është shumë e qartë… ai donte të ikte. Ishte i lodhur. Ai nuk donte që të qaja, dhe unë nuk kam qarë”.
Ndërsa ish-gruaja e Prince, Mayte Garcia ka thënë se nuk mendon se ai e pranoi ndonjëherë vdekjen e djalit të tyre.
Vogëlushi ndërroi jetë 6 ditë pas lindjes në vitin 1996 pasi kishte lindur me çrregullime gjenetike.
“Nuk mendoj se ai arriti ta kapërcente ndonjëherë atë. Nuk e di as sesi kushdo mund ta kalojë. Unë e di që nuk e pranoi dot. Fytyra e tij pas lindjes së djalit ishte “një gëzim i pastër”, por pas asaj që ndodhi me vogëlushin u kthye në një “terrorizim të pastër”, është shprehur Garcia.
Burimi: People
