Ajo është sot nja nga dizajnueset më të njohura në fushën e modës që ka krijuar vendin e saj të merituar në Javën e Modës në Nju Jork.
Por Victoria Beckham nuk ka qenë gjithmonë kështu. Ish-këngëtarja e grupit Spice Girl ka pranuar se ka bërë disa gabime me modën, duke dhënë disa shembuj specifikë në një intervistë të fundit për revistën “The Edit”
“Kam menduar se ishte në rregull të vishja një kostume maceje. Kur isha shtatzënë me Romeon, kam ecur rreth Disneyland në këmbë me këpucë Christian Louboutin, në muajin e nëntë të shtatzënisë”.
Por në ditët e sotme ajo i kushton shumë rëndësi mënyrës se si vishet dhe është gjithmonë gati nëse një kamera i drejtohet për ta fotografuar.
“Edhe në qoftë se nuk ndiqesh nga paparacët, do të jetë dikush që do të dojë të bëjë një foto me ty, kështu që të gjithë duhet të jenë gati për të dalë në kamera gjatë gjithë kohës. Kushdo që të jetë, të gjithë duhet të jenë të gatshëm”.
Si një femër që ka vuajtur nga problemet me fytyrën, Victoria, e cila ka pasur akne për shumë vite, zbulon një sekret të bukurisë, salmonin.
“Unë njoh një dermatolog në Los Angelos, që quhet Dr. Harold Lancer, ai është i pabesueshëm. E njoh atë prej vitesh. Ai më ka thënë: Ti duhet të hash salmon çdo ditë”. I kam thënë: “Me të vërtetë, çdo ditë?- Ai u përgjigj: “Po, mëngjes, drekë, darkë, ju duhet ta hani atë çdo ditë”.
Burimi: Daily Mail
