U identifikua viktima e parë nga varianti Omicron i Covid-19.
Kryeministri i Mbretërisë së Bashkuar, Boris Johnson ka njoftuar se të paktën një pacient me variantin e ri ka vdekur në Mbretërinë e Bashkuar.
Johnson e bëri këtë deklaratë teksa inspektonte një qendre vaksinimi në Paddington, në perëndim të Londrës.
Kryeministri britanik theksoi se ideja se Omicron është një variant më pak i rrezikshëm duhet të mos merret parasysh dhe se është e nevojshme që qytetarët të kuptojnë ritmin e shpejtë me të cilin po përhapet.
Ai gjithashtu këshilloi se gjëja më e mirë për të gjithë është shtimi i dozave përforcuese të vaksinave.
Të dhëna jo të plota nga spitalet në Afrikën e Jugut, sugjerojnë se pacientët që preken nga ky variant janë më të rinj në moshë dhe klinika e sëmundjes është e njëjtë me variantet paraardhëse.
Shkencëtarët në mbarë botën po analizojnë efikasitetin e trajtimet aktuale. Duke u bazuar në ndryshimet gjenetike që paraqet varianti Omicron, pritet që disa trajtime të jenë njësoj efektive e të tjera të jenë më pak efektive.
Gjithsesi, armët për për ta luftuar dhe këtë variant janë. Vaksinat mbeten masa më e efikase për të mbrojtur njerëzit nga COVID-19, për uljen e transmetueshmërise dhe parandalimin e shfaqjes së varianteve të reja.
