Dy nga autorët e super grabitjes së 5.7 milionë eurove në Rinas, janë identifikuar dhe ndodhen brenda Shqipërisë.
“Report Tv” bën me dije se dy autorët e identifikuar po mbahen në survejim dhe në ditët në vijim pritet goditja e plotë e grupit kriminal.
Pasi truri i grabitjes, Admir Murataj u vra gjatë shkëmbimit të zjarrit me FNSH-në, katër personat e tjerë u larguan bashkë me thasët me euro dhe prej datës 9 prill ende nuk ka asnjë gjurmë.
Prokurorët e Krimeve të Rënda në bashkëpunim me Policinë e Shtetit dhe organet e tjera ligjzbatuese po vijojnë punën itensive për të vendosur para drejtësisë autorët e grabitjes.
Ndërkohë, ministri i Brendshëm, Sandër Lleshaj zhvilloi sot një takim në ambientet e ministrisë me vartësit e tij, në fokus të së cilës është siguria dhe rendi në vendin tonë.
