Labinot Gashi ka publikuar më në fund një foto të ëmbël të vogëlushes së tij 2-muajshe.
Ndryshe nga personazhet e tjerë të njohur të ekranit si Mozzik apo Gjiko që e kanë bërë publik bebushin e tyre me foto e madje edhe me profile zyrtare në Instagram, Labinoti është treguar i rezervuar në lidhje me identitetin e vajzës së tij.
Deri më tani dimë qe emri i saj është Rroa, por ende nuk e dimë se kujt i ngjan vogëlushja, babit Labi apo mamit Qëndresa. Moderatori ka publikuar një foto të ëmbël ku shfaqet duke e përqafuar të voglën e tij ndërsa i dedikon disa fjalë zemre:
“Dritë, jeta ka kuptim tjetër me ty. ❤️Rroa”, shkruan Labi në foton e publikuar në Instagram.
Moderatori i njohur kosovar Labinot Gashi u bë baba për herë të parë më 21 dhjetor, kur erdhi në jetë vajza e tij. Labinoti, së bashku me partneren e tij Qëndresa Bajrami, kishin zgjedhur që vogëlushen ta pagëzonin me një emër shumë të veçantë, Rroa Gashi!
Nënë e bijë lanë spitalin për t’u pritur me një festë të madhe në shtëpinë e tyre, organizuar nga vetë Labi.
Moderatori kishte shndërruar shtëpinë në një ambient festiv, duke e dekoruar me arushë, lule, ëmbëlsira në ngjyrë rozë! Madje, në mur ishin varur edhe të gjitha detajet e arrdhjes në jetë të vogëlushes.
Epo babi Labi di si të krijojë kujtime të bukura për vajzën e tij Rroa!
