“Njihuni me Era Istrefin, këngëtaren e Evropës Lindore e cila i ngjason Rihannas”, kështu titullohet intervista që këngëtarja nga Kosova, Era Istrefi, ka dhënë për revistën e mirënjohur “Vogue”.
Ka qenë vetë që përmes “Instagramit”, ka njoftuar një nga arritjet më të mëdha, atë të shfaqjes në një prej revistave më prestigjioze botërore.
Këngëtarja ka zbuluar për “Vogue” rreth karrierës dhe vështirëve që ka hasur gjatë rrugëtimit për t’u bërë e njohur ndërkombëtarisht. Ajo thotë se është duke punuar në projekte të reja, të cilat pritet t’i publikon gjatë muajve të ardhshëm.
Gazetari Mathias Rosenzweig e krahason Erën me këngëtaren Rihanna, dhe e pyet atë se si ndihet kur fansat e saj bëjnë krahasime të tilla.
“Është shumë bukur kur ke mundësinë për të kënduar si Rihanna, sepse jam mërzitur me zërin tim të njëjtë. Por unë gjithmonë them, kam dimensione të tjera në zërin tim, që më bëjnë të veçantë. Më pëlqen të jem unike, por jam shumë krenare që njerëzit më krahasojnë me të. Unë kam qenë gjithmonë një fanse e saj dhe ende jam”, thotë Era.
E pyetur në lidhje me stilin e saj, Era thotë së nuk ka asnjë ide se si ia del dhe nuk përpiqet që t’u kushtojë vëmendje rrobave dhe ngjyrave, por vishet sipas perceptimit të saj.
“Kur vjen puna te moda, unë me të vërtetë nuk e di se si ta përshkruaj veten, sepse me të vërtetë nuk kam asnjë ide se çfarë të bëj. Vetëm shikohem në pasqyrë dhe përpiqem të vishem sipas perceptimit tim. Unë vërtetë nuk u kushtoj vëmendje rrobave që vesh, ngjyrave që përdor. . . për shembull, sot kam veshur dy çorape të ndryshme; një është rozë dhe një është [qesh] e gjelbër. Dhe unë kam disa këpucë të zeza “Louis Vuitton” dhe duket e mahnitshme. Unë nuk e di pse duket aq e mirë në sytë e mi, por kjo është si karamele për mua. Vesh çdo gjë që unë dua dhe përpiqem të jem e lirë në modë. Unë jam mjaftueshëm e guximshme dhe mendoj se kjo është ajo që më bën mua”.
