Gjyshja e 3-vjeçarit, i cili rezultonte i zhdukur prej disa ditësh ka kryer dorëzimin e të miturit në Polici. Barie Gjuni, e shoqëruar nga një avokat e ka dorëzuar fëmijën në prokurori, ndërkohë që pritet arrestimi i saj.
*Kjo foto tregon momentin kur nëna takohet me djalin e mitur.
Ngjarja ndodhi më 16 prill, kur nënë denoncoi rastet tek autoritetet.
Në lidhje me rastin u arrestuan gjyshi i tre vjeçarit, Rexhep Gunin, 58-vjeç., dhe një nga vëllezërit e gjyshes, Arben Selaj, ndërkohë që ishte shpallur në kërkim gjyshja dhe një vëlla i saj. Për ta u dha dje masa e sigurisë “Arrest me burg” nga gjykata. Në polici, gjyshi refuzonte të jepte detaje mbi vendndodhjen e nipit. 58-vjeçari pretendonte se fëmija ka shkuar tek të afërmit në Kukës, por nuk gjendet as atje në adresën e dhënë.
Babai i vogëlushit ka ndërruar jetë si pasojë e një aksidenti, një vit më parë. Nëna tha për mediat se çdo fundjavë gjyshërit takonin nipin, ndërsa të shtunën që kaloi, ata përmes telefonit i kanë thënë se nuk do ia çojnë më djalin.
