Një parukiere 42-vjeçare me inicialet A.,Q., është vënë në pranga në pikën kufitare të Kakavijës pasi dyshohet se i ka vjedhur një vajze, sende personale me pretendimin se kishte lidhje intime me të.
Gjykata vendosi të caktojë “Arrest në burg” për A.,Q., e cila akuzohet nga prokuroria e Tiranës se në datën 15 tetor 2019 në afërsi të kafe “Flora”, i ka vjedhur brenda në makinë shoqes së saj me inicialet Xh., B., një çantë, ku ndodhej pasaporta, çelësat e shtëpisë, telefonin tip “IPhone 5”, një kostum sportiv, një palë këpucë që XH.B, sapo i kishte blerë, dy parfume dhe disa rroba të brendshme, të cilat në total kapnin shumën prej 40 mijë lekësh.
E pyetur në gjykatë për rastin A., Q., pretendoi se kishte një lidhje me vajzën e cila e kishte kallëzuar në polici, dhe se herë pas here ato shkëmbenin rrobat e njëra-tjetrës.
Mirëpo akuzat ndaj saj u shtuan pasi e paditura u kap në flagrancë në pikën kufitare të Kakavijës, me një aparat telefoni që dyshohet se i është vjedhur një vajze tjetër në qytetin me Korçës.
Pas këtij konstatimi gjykata ka vendosur të burgosë A.,Q., duke caktuar masën e “Arrestit në burg”.
/Gazeta Reforma
