Ditën e sotme nëpër të gjitha mediat ka qarkulluar lajmi i rremë se gazetarja Aida Shtino ka ndërruar jetë. Lajmi i hidhur ka shqetësuar familjarët e saj, kryesisht të birin i cili jeton jashtë vendit.
“ Revista Who” ka kontaktuar vetë gazetaren e cila e habitur dhe e shqetësuar nga ky lajm ka thënë se është shëndoshë e mirë dhe nuk ka asgjë për t’u shqetësuar.
“Jam shumë mirë. Familja ime është shqetësuar shumë nga këto lajme, djali më kontaktoi nga Austria i trembur për çfarë shkruhej. Nuk e kuptoj qëllimin e këtyre lajmeve, çfarë duan të arrijnë. Të luash me jetën e tjetrit është turp”, – ka thënë Shtino për “RevistaWho.Com”.
Aida Shtino mbahet mend për moderimin e emisionit “Njerëz të humbur”, por që prej disa kohësh nuk është më pjesë e ekranit.
