Në emisionin “Pardon My French” ishte e ftuar ish-banorja e Big Brother VIP, Dea Vieri, e cila ndau disa detaje interesante për marrëdhënien e saj me një nga banorët e rinj të këtij edicioni, Vserlo.
Dea ka treguar se, para disa ditësh, i ka dërguar një mesazh motivues nëpërmjet platformës “Big Love”, të cilin Vserlo e ka lexuar dhe është emocionuar deri në lot. Përsa i përket mesazhit, Dea sqaroi se nuk kishte ndonjë kod të veçantë, por se qëllimi ishte t’i ofronte mbështetje, pasi kanë një marrëdhënie të mirë. “Nuk ishte tamam një kod, u përpoqa më shumë që të ishte një mesazh motivues, ngaqë kemi një marrëdhënie të mirë dhe pse ishim takuar vetëm para pak ditësh. Është një shprehje që ne ia themi shpesh njëri-tjetrit kur duhet të jemi të fortë dhe duhet t’i japim vetes pak kurajo. Mendoj se kjo ka qenë arsyeja pse e ka prekur”, tha Dea.
Marrëdhënia e Deas me Vserlon është një tjetër çështje që ajo ka komentuar. Edhe pse si ish-banore e Big Brother, Dea u përpoq ta këshillonte Vserlon, ajo e kupton që ai është një person që nuk është shumë i hapur për këshilla.
“Vserlo është një person që nuk merr këshilla lehtësisht, por unë ndihmova duke i treguar gabimet që kam bërë gjatë kohës që kam qenë në shtëpi dhe se si mund t’i përballonte situatat më mirë”, shpjegoi Dea.
