Vogëlushi Alvin Berisha preku zemrat e shqiptarëve me historinë e tij të dhimbshme, pasi u mor nga e ëma në Siri dhe qëndroi për pesë vite në kampin e ferrit “Al Hol”.
Pasi u kthye nga Siria, ai e kishte të nevojshëm një operacion që kishte si qëllim përmirësimin e gjendjes së tij shëndetësore.
Tashmë, gjendja e vogëlushit është mirë dhe disa muaj pas daljes nga kampi, Alvin ka ndryshuar totalisht.
Ai është kthyer nga Italia së bashku me familjarët dhe ka ardhur në Durrës.
Babai i tij ka ndarë disa foto të vogëlushit në rrjete sociale, i cili mban të veshur fanellën e kombëtares tonë.
Vogëlushi ka shtuar disa kile më shumë dhe në fytyrën e tij shihet qartë lumturia.
Alvinit i shkëlqejnë sytë dhe pas 5 vitesh të vështira më në fund po kalon ditë si të gjithë fëmijët e tjerë.
Historia e Alvin Berishës u bë publike disa muaj më parë, pasi i ati kërkonte kthimin e të birit në Itali.
Alvin ishte marrë nga e ëma drejt kampit Al Hol dhe pas një shpërthimi ajo kishte ndërruar jetë, ndërsa Alvin për fat të mirë mundi të shpëtojë.
Ai u bashku me familjen tij në nëntor të vitit që lamë pas.
