Rreth 15 mjekë, infermierë dhe personel ndihmës të spitalit të Fierit janë vetëkarantinuar.
Shkak u bë 61- vjeçarja, e cila rezultoi pozitive me koronavirus.
Ajo ishte kthyer më 6 mars nga Italia nëpërmjet portit të Durrësit, por e kishte fshehur këtë fakt.
Pasi shfaqi probleme shëndetësore, gruaja u paraqit në spitalin e Fierit 5 ditë pas kthimit, ndërsa ka marrë edhe ndihmë mjekësore.
Një ditë më vonë është paraqitur sërish në spital, por u ka thënë mjekëve se problemet respiratore i ka pasur edhe më herët.
Pas kontrollit të sistemit TIMS, u vërtetua se ajo kishte hyrë në Shqipëri më 6 mars.
Menjëherë asaj iu morën mostrat për analizë dhe në pritje të përgjigjes është izoluar në repartin e pathologjisë.
Pasi përgjigja rezultoi pozitive, ajo u dërgua në Tiranë, ndërsa stafi i spitalit u vendosën në karantinë.
Mësohet se gjatë këtyre ditëve, ambjentet e spitalit janë dezinfektuar vazhdimisht.
61- vjeçarja është rasti i pestë në Fier, pas më parë ka rezultuar pozitiv me koronavirus një 66- vjeçar nga Patosi dhe 3 anëtarët e një familje nga Dërmenasi.
Deri më tani në vendin tonë janë regjistruar 38 të infektuar dhe 1 viktimë nga koronavirusi, ku 12 prej të prekurve ndodhen në godinën e Infektivit në QSUT.
/GazetaReforma.com
