Mbrëmjen e djeshme në emisionin “Top Show Magazinë” ishte e ftuar këngëtarja Anxhela Peristeri, e cila foli ndër të tjera edhe për fillimet e karrierës së saj në Greqi.
Anxhela rrëfeu se për 6 muaj ka punuar me Eleni Fourieran, këngëtaren shqiptare që përfaqësoi Qipron në Eurovizion. Nisur nga fakti që Eleni fillimisht e kishte mohuar origjinën shqiptare për t’iu shmangur paragjykimeve raciste të grekëve, Anxhela dëshmoi që ajo jo vetëm që nuk e kishte mohuar origjinën e saj, por e kishte mbrojtur me forcë.
Alban Dudushi zbuloi gjatë emisionit se Anxhela kishte rrahur dy grekë pasi i kishin sharë Shqipërinë.
“Kjo jo vetëm që nuk e mohoi origjinën, por më kanë thënë që ke rrahur dy grekë që e shanë Shqipërinë, është e vërtetë?”- e pyeti Albani.
“Jo grekë, greke”- u shpreh Anxhela duke qeshur.
Ajo rrëfeu gjatë emisionit se pavarësisht se ishte paragjykuar për origjinën e saj, në asnjë moment nuk e ka mohuar atë.
“Fillimet e mia në shtetin fqinj ishin të këqija pasi gjithmonë paragjykohesha që isha shqiptare. Në një moment thjesht më erdhi në majë të hundës dhe reagova në atë lloj mënyre. Megjithatë nuk them që nuk e meritonin, por nuk them dhe që ishte veprim i bukur nga ana ime. Kam qenë dhe më e vogël, vetëm 20 vjeç dhe nuk është se e mendova shumë.”- rrëfeu këngëtarja.
