Një ngjarje e rëndë është shënuar mëngjesin e sotëm në Krastë të Martaneshit, ku një fëmijë 6 vjeç është plagosur me automatik.
Autori i plagosjes së fëmijës është Jetmir Koxherri 27 vjeç, i cili pas një konflikti me babain e 6-vjeçarit, ka marrë armën e zjarrit tip automatik dhe ka shkuar për të qëlluar drejt banesës të tij, por plumbat kanë kapur fëmijën, që është plagosur rëndë.
Nga të dhënat e para raportohet se fëmija ka marrë tre plumba në pjesën e fytyrës dhe është transportuar në spitalin e Dibrës, ndërsa pritet mbërritja e helikopterit për ta transportuar në spitalin e Traumës për ndihmë të specializuar.
Vogëlushi raportohet të jetë në gjendje shumë të rëndë, ndërsa policia vijon hetimet për të zbardhur ngjarjen.
/Report.tv
