Një djalë i ri nga Korça ka denoncuar hapur pedofilinë për një mësues në gjimnazin “Faik Konica” në Korçë.
Pak ditë pasi u bë publik rasti i 15-vjeçares së abuzuar seksualisht nga roja i shkollës, djali ka folur hapur në një video të publikuar në profilin e tij në Facebook. Ai rrëfen sesi mësuesi kapte çunat nga trupi dhe iu fuste duart poshtë bluzës.
Danieli thotë se askush nuk ka reaguar për mësuesin pedofil, për të cilin e dinte e gjithë shkolla.
Në një koment në postim, djali shprehet se në atë kohë ishte i ri dhe nuk e kuptonte, ose i dukej “gallatë”. Por mësuesit sipas tij nuk reagonin dhe nuk duhet të heshtnin.
“Ki parasysh që kemi qenë fëmijë te pa informuar ne atë kohe dhe unë dhe ne video e kam shprehur se e merrnim me shaka na dukej gallate . Ndërsa tani qe reflektoj dhe qe mendoj sjelljet e tij dhe qe jam i informuar kam kuptuar qe kane qene ngacmime seksuale . Ne jemi lejuar te na edukonte një pedofil dhe disa mësues kane qene ne dijeni sepse ne e kemi shprehur dhe si me shaka me te qeshur se çfarë bënte ai ne klase dhe nuk ka pasur reagim . Mirë ne se nuk e kuptonim çfarë ishte se ishim fëmijë po mësuesit pse nuk reagonin po heshtnin”.
I riu i bën thirrje shokëve të klasës, por edhe mësuesve që ishin në dijeni të kësaj situate të reagojnë sa nuk është vonë.
Denoncimi i djalit:
Pas 14 vitesh duke marrë shkas nga ngjarjet e fundit edhe unë kam reflektuar.
Kam reflektuar për mësuesin tonë pedofil në shkollën e gjuhëve të huaja “Faik Konica” në Korçë.
Shokët e mi të klasës reflektoni për diçka. E mbani mend atë mësuesin që ju fuste duart çunave poshtë bluzës.
Publikojeni, unë quhem Danjel Hyseni dhe dua të bëhem zë për ata që nuk kanë zë.
