Mbretëresha Elizabeth ka disa muaj që ka shkurtuar paraqitjet e saj publike. Raporti vjetor i monarkisë, i cili u publikua pasi llogaritë e Grantit Sovran javën e kaluar, zbuloi se përshkrimi i rolit të Mbretëreshës si kreu i shtetit ishte ndryshuar nga 13 pika në një përshkrim më pak specifik. Për më tepër, ato detyra që ajo “duhet të përmbushë” janë hequr nga lista.
Kjo nuk është një surprizë duke marrë parasysh moshën e mbretëreshës, ajo nuk është me në gjendje të udhëtojë dhe të jetë e gatshme për detyrat e shumta mbretërore.
Buckingham Palace nuk e komentoi këtë me siguri për të shmangur aludimet mbi shëndetin e saj. Kjo lëvizje, ndryshimi i parë i tillë në më shumë se një dekadë, njeh se si gjërat kanë ndryshuar për Mbretëreshën, e cila po merret me çështjet e vazhdueshme.
Në përfundim të Jubileut të saj Platinum në qershor, Mbretëresha theksoi se do të vazhdonte të shërbente, por po e bënte këtë me mbështetjen e familjes së saj. Ndërsa ajo është tërhequr nga disa prej roleve të saj më të larta publike, të tjerët kanë ndërhyrë. Shembulli më i dukshëm ishte kur Princi Charles, i mbështetur nga Princi William, e zëvendësoi atë në hapjen shtetërore të Parlamentit në maj. Charles, 73 vjeç, përfaqësoi gjithashtu nënën e tij në evente të tjera si ‘Trooping the Color’ dhe ‘Royal Ascot’. Charles, William dhe vajza e vetme e Mbretëreshës, Princesha Anne, shpesh e përkrahin atë në ceremonitë ku jepen edhe nderimet.
Raporti i ‘Grantit Sovran’ e ndan rolin e mbretëreshës në dy pjesë: “Roli i kreut të shtetit, i cili është një koncept formal kushtetues, i përbashkët për të gjitha kombet dhe përfshin detyrat zyrtare që Mbretëresha, sipas konventës kushtetuese, duhet të përmbushë”.
Dhe shton, “Roli i Kreut të Kombit, një rol shumë më simbolik në jetën e Kombit, që përfshin detyra që nuk drejtohen nga kushtetuta, por që Mbretëresha i kryen aty ku është e përshtatshme ose e nevojshme”.
