Natalie Portman ka qenë në qendër të vëmendjes mediatike ditët e fudnit, pasi mediat kanë aluduar se aktorja është në pritje të ëmbël. Spekulimet nisën vetëm për shkak të disa fotove, në të cilat barku i saj shihej më i fryrë se më parë.
Natalie nuk ka lejuar që këto lajme të përhapen më tej dhe ka reaguar direkt. Duke se aktorja nuk i ka pritur fare mirë këto lajme, ndaj ka dhënë një përgjigje shumë të ashpër për të gjitha thashethemet.
Aktorja 39-vjeçare ka postuar në Instagram foton e një artikulli që shkruante: “Natalia Portman shfaqet në Sindej me bark të rrumbullakosur”.
“Hey. Unë nuk jam shtatzënë… por, mesa duket, qenka ende normale që në 2021 dikush të spekulojë dhe të komentojë mbi formën e trupit të një gruaje sa herë që dëshiron? Mund të bëni më mirë se kaq”, shkroi Natalie e revoltuar.
Portman aktualisht është në Australi duke xhiruar “Thor: Love and Thunder”. Fituesja e çmimit “Oscar”, siç ka deklaruar nuk është shtatzënë, por ajo është nënë e dy fëmijëve – djali 8-vjeçar Aleph dhe vajza gati-4-vjeçare Amalia, që kanë ardhur në jetë nga martesa me bashkëshortin e saj, Benjamin Millepied.
Aktorja është përpjekur që jetën e saj private ta mbajë shumë larg vëmendjes mediatike dhe rrallë e kemi parë të publikojë foto të fëmijëve.
