Një vajzë 29-vjeçare shqiptare është mashtruar dhe është trafikuar në Itali për prostitucion.
Policia njofton se ka bërë të mundur arrestimin e dy personave që trafikuan të renë, nëpërmjet operacionit të koduar, “Mashtrimi”.
29-vjeçarja u mashtrua pasi i premtuan fejesën për në Itali, por pasi shkoi atje ajo po shfrytëzohej për prostitucion nga shtetasja D.D, e cila gjithashtu është arrestuar disa muaj më parë në Itali.
Të arrestuarit janë:
- Flamur Dodoveci, 62 vjeç, banues në lagjen “Uznovë, Berat.
- Emanuel Myrtaj, 40 vjeç, banues në lagjen “Muzakaj”, Berat.
Materialet i kaluan Prokurorisë së Rrethit Gjyqësor Berat për veprën penale “Trafikim i të rriturve, kryer në bashkëpunim”.
