Nuk është hera e parë që Fjolla Morina përlotet në studio, kur flet për të ëmën!
Edhe ditën e sotme, këngëtarja e hitit “Fustani” shpërtheu në të qara kur Rudina Magjistari e pyeti për të ëmën, e cila po vuan nga një sëmundje e rëndë. Mes lotëve, Fjolla rrëfeu të gjitha sakrificat që e ëma duhet të bënte në jetë për të.
“Mamaja ime është gjithçka për mua. Kam përjetuar një periudhë të keqe tani që ajo ka qenë sëmurë. Shpresoj që të bëhet mirë. S’mundem ta mendoj jetën pa mamin. Ajo më ka rritur e vetme, babai im ka vdekur shumë i ri dhe ajo ka qenë edhe baba edhe nënë për mua. Unë jam shumë e lidhur me mamin dhe jam tip shumë i ndjeshëm. E çmoj shumë familjen dhe sidomos mamin, sepse jam nënë vetë. Por mami është duke u bërë mirë. I kam përballuar të gjitha vetë dhe prandaj ndihem kështu. Do Zoti të bëhet mirë” – tha mes lotësh, këngëtarja Fjolla Morina.
Ndërkohë, nëna e saj, përmes një videomesazhi falenderoi të bijën për çdo gjë që ka bërë për të.
“Fjolla të përshëndes shumë. Unë e di që ti mendon shumë dhe që je në gjendje të bësh ç’mos për mua. Unë jam falenderuese për çdo gjë që ke bërë ti për mua. Fjolla të dua. Të uroj jetë të gjatë, lumturi dhe suksese”, tha nëna e këngëtares.
Më herët, ajo është shprehur se e ëma ka probleme me qelizat kancerogjene dhe se po bën terapi për t’ia dalë mbanë. Nëna e saj ka qënë këngëtare, por për shkak të vdekjes së babait të Fjollës në moshë të re, është detyruar ta lë muzikën dhe të kujdeset për fëmijët.
Ndiqni videon në minutën e 22.00:
