Një rast tronditës për publikun ka qënë ai i Dalai Lamës, fituesit Nobel për Paqen i cili është puthur në buzë e i ka thithur gjuhën një të mituri. Pamjet u bënë virale në rrjet dhe komentet ishin nga më të rëndat. CNN shkruan se zyra e udhëheqësit shpirtëror budist se ai i ka kërkuar falje djalit dhe familjes së tij për lëndimin që mund të kenë shkaktuar gjesti dhe fjalët e tij.
Në deklaratë theksohet se 87-vjeçari “shpesh ngacmon njerëzit që takon në një mënyrë të pafajshme dhe lozonjare. Ndër të tjera thuhet se ai “dëshiron t’i kërkojë falje djalit dhe familjes së tij, si dhe miqve të tij të shumtë në mbarë botën, për lëndimin që mund të kenë shkaktuar fjalët e tij”, duke shtuar se “i vjen keq” për incidenti.
Pamjet janë marrë nga një ngjarje më 28 shkurt kur Dalai Lama iu drejtua një grupi studentësh në tempullin Tsuglagkhang në Dharamshala, në Indinë veriore.
Në video shihet një djalë i ri duke iu afruar mikrofonit dhe duke pyetur Dalai Lamën: “A mund të të përqafoj?”
Fituesi i çmimit Nobel për Paqen e fton djalin në skenë, duke i thënë “së pari këtu” dhe duke i dhënë faqen e tij, të cilën djali e puth.
Lama më pas i tregon buzët dhe i thotë “atëherë mendoj më në fund se duhet të puthësh edhe këtu”. Më pas ai e tërheq djalin nga mjekra dhe e puth fëmijën në buzë. Në video dëgjohen të të qeshura dhe duartrokitje, përpara se Dalai Lama i nxjerr gjuhën djalit dhei kërkon që t’i thithë gjuhën.
