Teksa të gjithë ishin të fokusuar në paraqitjen e tyre në tapetin e kuq të “MTV VMs 2021”, duket se kjo nuk kishte rëndësi për Conor McGregor.
Ndërsa po kalonte mes fansave ylli i UFC-së kishte vënë re se aty ndodhej edhe reperi Machine Gun Kelly.
Sipas prestigjiozes “TMZ” ai i kërkoi një foto të dashurit të Megan Fox dhe aty nisi e gjitha mes tyre. Mediat e huaja shkruajnë se Gun Kelly refuzoi që ata të kishin një foto së bashku, ndërsa “The Notorious” hodhi një pije në drejtim të tij.
Conor McGregor throws a drink at MGK on the red carpet (via ig:laurademytrk) pic.twitter.com/H0naCNbMta
— Barstool Sports (@barstoolsports) September 13, 2021
Është dashur që të ndërhynte sigurimi në mënyrë që situata të mos agravohej më tej me dyshen që më pas u shpëndanë në drejtime të kundërta.
Pas incidentit, McGregor nuk dëshiroi të zbulonte se i kërkoi reperit një foto, por TMZ raportoi se një gjë e tillë kishte ndodhur.
Përsa i përket jetës së tij personale kampioni i UFC-së është bërë baba për herë të tretë para pak kohësh. E fejuara e tij, Dee Devlin ka sjellë në jetë një djalë të cilin e kanë pagëzuar me emrin Rian. Këtë lajm të ëmbël e ka bërë të ditur vetë ai përmes një postimi të Instagram, ku shihet teksa mbanë në krahë foshnjën e tij.
“Zot faleminderit për gjithçka që me ke dhënë mua dhe familjes time. Djali im i porsalindur, Rian McGregor”, ka shkruar ai krahas fotos.
