Si të gjitha mamatë, edhe moderatorja Jonida Vokshi është përpjekur t’i mësojë fjalën e parë të voglës së saj 7 muajshe, Emit.
Sigurisht po si të gjitha mamatë edhe Jonida ka shpresuar që fjala e parë e të bijës të ishte “Mama”. Por nuk ka rezultuar kështu!
Pavarësisht përpjekjeve të saj që Emi të thotë “mama”, ajo sërish ka thërritur Besnikun për herë të parë! Në një video që ajo ka ndarë në InstaStory, dëgjohet Emi duke thërritur “Baba” disa herë.
“I rri 7 muaj mbi kokë duke i përsëritur Mama mama, thuaj mama dhe vjen momenti që nuk pushon duke thënë Baba baaa”- shkruan ajo duke qeshur.
Së fundmi, Jonida ka bërë dy tatuazhe dedikuar të voglës dhe nuk ka ngurruar t’i ndajë edhe në rrjete sociale.
Të parin e ka bërë në dorë dhe shkruan Emi me një shkrim të veçantë, emri i vajzës së saj.
Ndërkohë, tatuazhin e dytë e ka bërë në shpinë, duke shkruar “Faleminderit Zot” me një shkrim po ashtu shumë të bukur. Padyshim ky tatuazh duket kaq bukur në shpinën e saj dhe të dyja gdhendjet e Jonidës kanë kuptim shumë domethënës.
Që kur është bërë nënë Jonida na ka surprizuar me ndryshimet e saj të njëpasnjëshëm. Ndonëse ka qenë gjithnjë tejet tërheqëse, duhet ta pranojmë se vitin e fundit i ka vënë vulën.
Pas lindjes, Jonida i befasoi të gjithë me format e trupit të saj dhe çdo kilogram që kishte shtuar gjatë shtatzënisë, e humbi menjëherë. Madje, pasi u bë nënë moderatorja vendosi të bëjë edhe një tjetër ndryshim në pamjen e saj, duke ndjekur rregullin e pashkruar të hapjes së ngjyrës së flokëve gjatë verës, duke shtuar disa highlights në flokët e saj.
Një ndryshim të vogël moderatorja mjaft e dashur e ekraneve shqiptare e paska ruajtur edhe për stinën e dimrit. Më herët këtë javë Jonida ka postuar një video në Instagram ku shihej në makinë dhe na tregoi se kishte prerë balluke. Ky ndryshim i saj është pritur mjaft mirë nga fansat që menjëherë kanë shkruar komentet më të bukura.
View this post on Instagram
