Nëse do ta pyesnim 8 vite më parë, kohë kur Zaimina Vasjari ishte bionde dhe kishte një look shumë ndryshe nga sot, ajo do të shprehej se ndihej rehat me atë ngjyrë.
Por Zaimina jo vetëm që nuk është më bionde, por ka eksperimentuar aq shumë me flokët, saqë sot i qëndron besnike ngjyrës së zezë, thjesht sepse i shkon.
Për të gjithë ju që nuk e mbani mend sesi dukej Zaimina bionde apo me flokë të kuqe, ne po risjellim disa foto të vjetra, ku bukuroshja shqiptare duket shumë ndryshe nga sot.
Viti 2007/ Zaimina Bionde
Fotot janë realizuar në Ditën kombëtare të fëmijëve jetimë, me rastin e së cilës u organizua një drekë me pjesëmarrjen e shumë personazheve VIP, për të qenë sa më pranë këtyre fëmijëve. Zaimina ishte e pranishme për të treguar një anë tjetër, atë të dhembshur për fëmijët që nuk i kanë prindërit. Me një fustan seksi të bardhë Zaimina shfaqet teksa jep autografe, ndërsa flokët bionde “ekstejnshën” i bien mbi supe.
Viti 2008/ Zaimina me flokë të kuqe
Ishte maj 2018 koha kur Zajmina pozon ekskluzivisht për “Bluetooth”, ajo shfaqet e veshur me një palë rroba-banje ekstravagante, ndërsa nuk lë pas dore edhe grimin, që pjesën më të madhe të rasteve i pëlqente ta bënte vetë. Edhe pse ka tjetërsuar ngjyrën, Zajmina nuk ka ndryshuar formën e prerjes së flokëve. I ka qëndruar sërish besnike ‘ekstejnshenave’, duke ruajtur të njëjtën gjatësi dhe të njëjtin stilim.
Viti 2013/Zaimina me flokët e shkurtër
Ishte viti 2013 kur Zaimina ndryshoi totalisht në pamje edhe pse mbetej gjithnjë seksi. Me flokët e shkurtër dhe një puro në dorë, kjo foto bëri shumë bujë në atë kohë.
Viti 2015-2016/ Zaimina me flokët gështenjë
Me kalimin e viteve Zaimina ka bërë edhe ndryshime të theksuara në look-un e saj. Në foton e mëposhtme për shembull, ajo shfaqet me flokët gështenjë, që i shkojnë shumë. E megjithatë nuk kaloi shumë kohë dhe Zaimina u kthye në një vajzë me flokë të zinj dhe kështu është e sot e kësaj dite.
Viti 2017/ Flokët e zinj të gjatë
Nga të gjitha fotot që pamë ndër vite, një gjë nuk ndryshon nga look-u i Zaimina Vasjarit. Flokët e gjatë kanë vite që janë preferenca e saj, ndërsa nuk dimë nëse do të eksperimentonte sërish me prerjen e tyre si 4 vite më parë…
