Analisti dhe gazetari i njohur shqiptar, Kastriot Myftaraj i ka dhënë fund jetës ditën e sotme. Ai është vetëhedhur nga kati i katërt i banesës ku jetonte.
Mësohet se ngjarja e rëndë ka ndodhur në lagjen “Ali Demi” rreth orës 12:55.
Policia ka publikuar njoftimin zyrtar ku thekson se grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i plotë i policisë:
“Më datë 07.07.2022, rreth orës 12:55, në lagjen “Ali Demi”, dyshohet se është vetëhedhur nga kati i katërt i banesës ku banonte, shtetasi K. M., 60 vjeç, i cili si pasojë ka ndërruar jetë. Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e publikuar nga policia.
Euronews Albania shkruan se publicisti i njohur, Kastriot Myftaraj ishte diagnostikuar me kancer një javë më parë. Gjithashtu, raportohet se ai ndodhej në një gjendje psikologjike shumë të rënduar.
Kastriot Myftaraj lindi në Korçë, në vitin 1966. Ai ishte publicist, gazetar dhe analist mjaft i njohur.
Ai drejtonte më herët programin “Ju flet Moska”, ku trajtonte tematika të forta, duke iu referuar më së tepërmi politikës në vend dhe jo vetëm por trajtonte dhe çështje të politikës në shtete të ndryshme të botës.
