Në janar të këtij viti u raportua se Salkie 73 vjeç dhe Olsi Hoxhallari, 43 vjeç, nënë e bir u vranë dhe u dogjën në banesën e tyre në Vlorë.
Nusja e shtëpisë, Hysnie Hoxhallari kërkoi asokohe drejtësi për bashkëshortin dhe vjehrrën, madje kërkoi mbrotje për veten dhe fëmijët e saj pasi kishte frikë. Nuk zgjati shumë dhe policia zbuloi se ajo ishte autorja e vrasjes në bashkëpunim me dashnorin, Kasem Pirjasi.
Vajzat e shtëpisë, Lindita dhe Miranda, ishin të ftuara sot në emisionin “Me zemër të hapur”, ku rrëfyen sesi nusja Hysnie u kishte hedhur ilaç gjumi tek petullat që u kishte bërë në darkë vëllait dhe nënës dhe më pas i kishte vrarë në bashkëpunim me dashnorin.
“Ne na njoftuan se është djegur mamaja me vëllain me bombol. Nisemi për në Vlorë dhe atje mësoj se ata i kishin vrarë. Në orën 5 të mëngjesit vjen Hysnija dhe i bie të fikët. I thotë tezja si ndodhi ngjarja. Ajo thotë se kishte rënë zjarr tek gazhina. Hysnija mendonte për pasurinë e shtëpisë që në tre ditët e para të ngjarjeS. Hysnija u ka bërë petullat dhe atje ka hedhur ilaçin e gjumit. Me pas në atë moment ka hyrë Kasemi dhe kanë vrarë nënën dhe vëllain dhe i kanë vënë flakën shtëpisë. Na ka thënë vetë Hysnija që i kishte bërë petulla atë natë. Madje ajo ishte djegur edhe vetë pak dhe ishte lyer me kolinoz. Nëna dhe vëllai kishte ngrënë petulla, ndersa djali dhe Hysnija nuk kishin ngrënë. Hysnija donte të merrte pasurinë e vëllait. Pronat, shtëpinë që ka ndërtuar babai dhe vëllai. Shtëpia është e mbyllur që pas ngjarjes. Çelësin e ka motra e Hysnijes. Ne nuk kërkojmë dot çelësat se do hyjmë në sherr” – u shpreh vajza e viktimës, Lindita.
“Hysnija kishte bërë përpara vrasjes dokumentet për trashëgiminë e shtëpisë. Hysnija, nga 48 mijë euro gjysmat i ka tërhequr dhe gjysmat e tjera të parave kanë mbetur të ngrira. Ne i kemi thënë prokurorit për të kërkuar çelësin për të hapur derën, por ai ka thënë që duhet ta zgjidhni vetë këtë çështje. Nuk dyshonim që Hysnija kishte lidhje jashtëmartesore” – përfundoi Miranda.
