Një ngjarje tepër e sikletshme ka ndodhur gjatë edicionit të lajmeve në televizionin Italian “TGR”.
Gene Gnocchi ishte i ftuar në edicionin informativ të lajmeve për të folur për spektaklin e tij dhe ka bërë një veprim që i la të gjithë pa fjalë. I mahnitur nga gazetarja, ai nuk është përmbajtur dot dhe e ka puthur në buzë.
Ai u ngrit në këmbë dhe i tha gazetares Maria Grazia Lombardit se është e mrekullueshme dhe papritur i afrohet dhe e puth në buzë.
“Mund të të them diçka. Po të dëgjoja duke lexuar lajmet, ma hoqe trurin, tani duhet të të puth…”, u shpreh Gnocchi para se ta puthte në buzë.
Gazetarja u kap në befasi, por edhe për hir të transmetimit, e kaloi me sportivitet këtë situatë të sikletshme.
