Gjatë kësaj periudhe të vitit, “news feed-i” në “Instagram” është plot me foto të miqve duke u relaksuar pranë pishinës, kopshtit, në një festë verore apo duke marrë rreze.
Nuk e di për ju, por të shohësh këdo duke kaluar një verë fantastike, shpesh të bën të ndihesh e ndrydhur, madje ka raste që mund të kapësh veten duke thënë: “Ah sikur të lija këtë punë që po bëj, s’do të ishte edhe aq keq!’. Kështu objektivat tuaja ngelen mbrapa dhe të parealizuara..vetëm nga një ‘sikur…’. Mbase erdhi koha të kemi parasysh disa këshilla që do të na shtynin përpara të punonim në këtë periudhë dhe jo të mendonim se sa shumë do donim të ishim në plazh.
Ja disa këshilla për t’u fokusuar gjatë ditëve të verës.
- Bëni një plan të kohës që po shpenzoni momentalisht. Po harxhoni shumë kohë në median sociale? Sa shpesh po e kontrolloni ‘Facebook-un”, televizorin apo “Instagramin”? Nëse koha e përllogaritur ju duket e menduar mirë, atëherë relaksouni për pak dhe mendojeni më mirë! Sapo ke krijuar një ide të saktë të gjërave me të cilat shpenzon kohën, bëni një listë të objektivave dhe projekteve. Kur të keni çdo gjë të shkruajtur, sigurohuni të jenë sipas rëndësisë përkatëse.
- Bëni një plan. Një nga mënyrat më të mira se si të mbani në vëmendje objektivat, është të vendosni data për mbarimin e tyre. Jepini vetes një kohë të caktuar për plotësimin e këtyre objektivave dhe do të shihni se pak nga pak do t’i arrini brenda datave të caktuara. ‘Ndonjëherë është e thjeshtë të ndihemi të bllokuar vetëm ngaqë nuk dimë nga t’ia fillojmë’
- Bëni vetëm një gjë. Thyeni zakonin e formuar të të bërit shumë gjëra njëkohësisht. Njeriu modern priret të dëshirojë të mbarojë gjithçka në një kohë, por ashtu nuk do të dilni më të fituar seç dilni kur gjërat i bëni një nga një. Kështu, në vend që të shkruani diçka që përmbledh planet, listojini ato të detajuara një nga një.
- Ngrihuni mbi ‘Po sikur’. Mbase nuk mund ta lini punën për të bërë disa pushime fantastike tani, por jemi të sigurtë që mund të kurseni kohë për një piknik në një pasdite me ushqim dhe një libër të mirë diku në qytet. Kështu e relaksoni veten pa hedhur poshtë çdo punë që keni marrë përsipër. Mos lejoni që ‘po sikur’ t’ju lërë mbrapa në progresin tuaj. Menaxhoni situatën me mjetet që keni afër.
Tani bëjini vetes një pyetje: “Çfarë do të përfundoj së bëri sot?”
