Babai i Naim Murselit, në një intervistë për News 24 ka folur me detaje lidhur me ngjarjen e rëndë që ndodhi në Kosovë.
Shaban Murseli tha se djali i tij ka pasur bisedime dhe takime në Tiranë për t’u bërë investitor strategjik, duke siguruar se Naimi nuk ka pastruar paratë e askujt, as të politikanëve, pasi ka punuar vetë.
“Në Shqipëri ka takuar presidentë, kryeministra. Ka takuar Edi Ramën. Ka qenë dhe në çeljen e punimeve për aeroportin e Vlorës”, tha ndër të tjera babai i Naimit.
Duket se kryeministri Rama, që hiqet si pronar i Shqipërisë e jo shërbëtor i saj, s’do të mjaftohej vetëm me tokën që i fali Behgjet Pacollit në Vjosë-Nartë duke e lejuar të ndërtojë aeroportin, por paska dashur të bëjë investitor strategjik edhe ish-këshilltarin e mikut të tij Pacolli, Naim Murseli!
