Autori i dyshuar i vrasjes, së regjistruar mbrëmjen e të hënës në zonën e Astirit në kryeqytet, është vetëdorëzuar në polici.
Noel Dishi u vetëdorëzua, pas bashkëpunimit të familjarëve të tij me policinë.
Blutë gjithashtu kryen një sërë kontrollesh në kryeqytet në disa ambiente, por pa mundur ta lokalizojnë Dishin
Ky i fundit akuzohet për vrasjen e Vilson Tafçiut, pas një konflikti për motive të dobëta.
Policia në bashkëpunim me prokurorinë, po punojnë për dokumentimin e plotë të ngjarjes.
Dishi e thirri viktimën dhe më pas e ekzekutoi jashtë lokalit.
Më pas ai u largua me shpejtësi me makinë.
Ka dyshime të forta se shkak për vrasjen është bërë një femër, por nuk përjashtohet edhe pista e pazareve të drogës.
Viktima dhe autori ishin shokë, madje kishin udhëtuar disa herë së bashku.
Vilson Tafçiu kishte qenë i arrestuar në mars të 2018-ës në Francë për trafik droge, ku kishte qëndruar për 8 muaj.
Ai ishte deportuar në vendin tonë në nëntor të vitit të kaluar.
Tafçiu qëndronte në Dibër, por kishte ardhur në Tiranë për të varrosur gjyshen./gazetareforma
