Lidhja e ish-miss Shqipërisë, Egla Harxhi me Alesian dhe Ale de Basseville ishte një ndër më të përfolurat në mediat shqiptare. Treshja thyen tabunë duke deklaruar se do të bëheshin një familje e madhe pas lindjes së djalit Luxifer, i cili me sa dukej do të kishte jo një, por dy nëna dhe një baba.
Por pak kohë pas lindjes, na ra në sy mungesa e fotove të Eglës me partneren e saj Alesian. Ato madje as nuk e ndiqnin njëra-tjetrën në rrjetet sociale. Në një intervistë të dhënë për emisionin “Thumb”, Egla deklaroi se marrëdhënia kishte marrë fund.
“Nuk do të doja të ndalesha shumë tek kjo pyetje, detajet na përkasin vetëm ne, por do të thosha që fatkeqësisht njerëzit ndryshojnë, nuk është ashtu siç e kishe menduar, gjërat ndryshojnë jo për mirë. Gjërat që ti nuk i ke në dorë dhe nuk prisje të merrnin një formë jo pozitive”, ka thënë ajo.
Tashmë Egla dhe Ale de Basseville, po shijojnë jetën si një familje normale, me ardhjen në jetë të djalit të tyre. Ish-miss-i ka publikuar një foto të ëmbël të dy meshkujve të saj më të rëndësishëm në jetë, djalit Luxifer dhe partnerit Ale.
Ajo ka ndarë dhe disa fjalë të ndjera për atë që po përjeton tani që është bërë nënë dhe që po “shijon” partnerin vetëm për vete:
“Dashuria në gjënë e saj më të pastër është një gëzim që ndahet, nuk kërkon asgjë në këmbim, nuk pret asgjë. Dashuria është një fenomen shpirtëror, epshi është fizik, egoja është psikologjike, dashuria është shpirtërore”, janë këto fjalët që ndan Egla me fansat.
