Aktori indian Ashish Kapoor, i cili njihet nga shqiptarët me rolin e Kabirit në serialin “Sarasvatiçandra”, prej kohësh ishte në një lidhje dashurie me modelen shqiptare Ilda Kroni.
Ata nuk ngurronin të ndanin në rrjete sociale momente me njëri-tjetrin si dhe dedikime të ëmbla ku shprehnin publikisht dashurinë.
Mirëpo, duket se gjërat s’kanë shkuar siç duhet dhe lidhja e tyre e gjatë ka marrë fund.
Dyshja nuk publikon prej disa kohësh foto së bashku në rrjete sociale.
Për më tepër, Kapoor nuk e ndjek më modelen shqiptare në Instagram.
Arsyeja e ndarjes nuk u është bërë publike, megjithatë një postim i aktorit ne Instagram e tregon qartë.
Ai ka publikuar një foto dhe në të shkruan: “Mund të jesh me dikë çdo ditë dhe prapë të mos e dish kush ata janë vërtetë derisa vendosesh në një situatë ku duhet të marrësh vendime të vështira. Koha nuk e cakton vendin që ke në jetën e dikujt, rrethanat po”.
Ndërkohë në Instastory ka publikuar edhe një shprehje që duket si një kunjë për modelen.
“Vetëm disa njerëz kujdesen. Pjesa tjetër janë thjesht kuriozë”, shkruan ai.
