Këngëtari i njohur, Devis Xherahu, ka zyrtarizuar ditën e djeshme lidhjen e tij me bukuroshen Ertemiona Mejdani. Çifti i njohur prej kohësh kishin shprehur dëshirën për martesë, por dje i kanë dhënë fund beqarisë.
Lajmin e bukur e ka dhënë vetë Devisi, përmes një postimi në rrjete sociale. Ai ka publikuar në Instagram dy foto ku shfaqet duke pozuar me unaza në gisht bashkë me Ertemionën. Devisi është shprehur shumë i lumtur dhe ka uruar që të plaket në krahët e partneres së tij.
“Sot ishte një ditë e veçantë për ne, zyrtarizmi i lidhjes sonë. Ajo që do i uroja gjysmës sime Ertemionës është të plakemi bashkë jeta ime”, ka shkruar Xherahu.
View this post on Instagram
Mirëpo, ndjekësit kanë nisur të aludojnë për shtatzëni për shkak të barkut paksa të rrumbullakosur të Ertimionës.
Madje, pozicioni i duarve të Devisit nëpër fotot e shkrepura të shtyn të mendosh për një shtatzëni të mundshme.
Megjithëse rrjeti po zien nga këto lajme, çifti ka preferuar të mos flasë duke i lënë ndjekësit kuriozë.
