Ebru Sahin, një nga emrat më të përfolur në fushën e aktrimit në Turqi, e njohur për bukurinë dhe performancat e saj, dhe ylli i NBA-së, Cedi Osman, kanë lidhur martesë në Maqedoni.
Aktorja e njohur Ebru Sahin dhe i fejuari i saj Cedi Osman u martuan një ditë më parë në Ohër të Maqedonisë. Duke tërhequr vëmendjen me lumturinë e tyre, çifti u martua në një ceremoni të vogël dhe modeste ku morën pjesë miqtë e tyre të ngushtë dhe familjarët.
Abdullah Bulut dhe Okan Can Yantır, miq të ngushtë të dyshes, ishin dëshmitarë të Ebru Şahin dhe Cedi Osman, të cilët spikatën me elegancën e tyre në dasmë. Ebru Şahin preferoi një fustan nusërie të stiluar nga Amor Garibovic dhe Cedi Osman, një kostum dhëndri nga Ralph Lauren.
Çifti i njohur do të bëjnë një tjetër dasmë më 7 korrik në Çeşme, ku nisi edhe dashuria e tyre.
Aktorja e njohur turke, në verën e vitit 2020 nisi të dashurohej me Cedi Osmanin, i cili luan në NBA.
Cedi Osman verën e kaluar i propozoi të dashurës së tij Ebru Şahin në Kapadokia ku sigurisht, mori përgjigjen “Po”. Çifti i njohur, u fejua pak kohë më parë me një ceremoni ku të pranishëm kanë qenë vetëm familjarët.
Cedi Osman shkoi për të kërkuar dorën e aktores me familjen e tij që jeton në Tekirdağ të Turqisë.
E njohur me rolin e saj “Rejhan”, aktorja turke, Ebru Sahin është tejet e pëlqyer dhe e ndjekur nga shikuesit shqiptarë.
