Mbrëmjen e së dielës në “Për’puthen Prime” që transmetohet në ‘Top Channel’ u prezantuan konkurrentët e rinj të “Për’puthen +40”.
Zotëria i fundit që ju bashkua “Për’puthen +40” për puntatën e parë ishte Armando Abazi 43 vjeç, i cili tha se është me profesion arsimtar dhe se jeton prej vitesh në Itali.
Por ditën e djeshmë ‘Real News’ bëri me dije se mbështetur në burime të sigurta, mësohet se Abazi është prezantuar ndryshe nga seç është në të vërtetë.
“Armando nuk ka jetuar jashtë sikurse u paraqit në klip, madje edhe profesioni të cilin tha se është arsimtar nuk e ushtron një profesion të tillë”, kanë bërë me dije burime të sigurta për ‘Real News’.
Sipas këtyre burimeve, 43-vjeçari mund të ketë udhëtuar, por jo të ketë jetuar jashtë Shqipërisë. Gjithashtu mësohet se Armando është divorcuar 3 herë dhe biles është denuar për dhunë në familje.
Ditën e sotme, ‘Real News’ e përgënjeshtroi këtë lajm dhe në bazë të disa verifikimeve dhe sigurimit të certifikatës personale dhe dëshmisë së penalitetit të konkurrentit të “Për’Puthen +40”, raporton për publikun se lajmi i publikuar ditën e djeshme nga redaksia, po përgënjeshtrohet.
Sipas kësaj certifikate, Armando Abazit është i datëlindjes 25/04/1977, është beqar dhe nuk ka qenë asnjëherë i dënuar.
