Futbollisti i “Arsenalit” Mesut Ozil sapo na tregoi se është shumë romantik. Mesut surprizoi të dashurën e tij, aktoren turke Amine Gulse në 25 vjetorin e saj të lindjes.
Një darkë nën dritën e qirinjve, e shtruar nën petalet e trëndafilit e me tullumbace kudo, në strehëzën e tyre të dashurisë. Ylli i serialit “Mos u Dorëzo” Amine Gulse ka ndarë lumturinë e saj me fansat në profilin e saj në “Instagram”.
“Falenderoj shumë dashurinë time për surprizën më të bukur që më bëri mbrëmjen e djeshme, të dua shumë. U bëra një vit më e madhe. Faleminderit për urimet e ditëlindjes, sa mirë që ju kam”, shkruan Amine.
Çifti u ribashkua pas një periudhe ndarjeje prej pothuajse një viti e gjysmë. Me rikthimin në krahët e njëri-tjetrit, Amina fshiu nga profili i Mesut në “Instagram” të gjitha ish të dashurat e futbollistit. Dhe ata jetuan të lumtur përgjithmonë.
