Vdekja e tij përloti botën! Këngëtari legjendar George Michael u gjet i pajetën ditën e Krishtlindjeve dhe një javë pas kësaj ngjarje, i dashuri i tij, Fadi Fawaz ka bërë një deklaratë tronditëse në “Twitter”.
Michael u gjet i vdekur në shtëpinë ku jetonte bashkë me Fawaz-in, në Oxfordshire. Në mbrëmje, partneri i këngëtarit kishte shkuar për ta zgjuar dhe për ta pyetur për planet që kishin, por George ishte larguar nga jeta.
Në një seri postimesh ditën e sotme, ai shkroi: “Gjëja e vetme që donte George ishte të vdiste. Ai provoi disa herë të vetëvritej dhe më në fund ia doli. Ne e donim shumë njëri-tjetrin dhe rrinim bashkë 24 orë në ditë”.
Fadi gjithashtu postoi një mesazh emocionues me rastin e fundvitit, ku shkruhej: “2016 të urrej me gjithë shpirt”.
Por, menjëherë pasi bëri postimet, partneri i këngëtarit të njohur, mbylli llogarinë. Ai tashmë është bërë pjesë e hetimeve të policisë, të cilët duan të zbulojnë arsyen e vdekjes së Michael-it.
Burimi: Daily Mail
