I dashuri i moderatores bukuroshe, Viola Spiro, Valentin Selaj, u arrestua pak ditë më parë në Itali si kreu i një bande të trafikimit të kokainës nga Amerikë në Firence. Valentini u cilësua si “Zoti i drogës” nga mediat lokale italiane, të cilat përmendin gjithashtu faktin që ishte në një lidhje me prezantuesen shqiptare.
Brunilda Spiro, nëna e moderatores, reagoi për herë të parë pas lajmit përmes një postimi në “Facebook”. Ajo shprehet mjaft e irrituar me mediat lidhur me ngjarjen.
“I kërkoj falje vajzës, që nuk mundem ta mbroj, kur e njoh shumë mirë dhe është vajza që do ta donte çdo nënë. E bukur natyralisht, inteligjente, e dashur dhe thjesht si gjithë njerëzit e kësaj kohe dhe bote, që po humb ekuilibrin, përpiqet të mbijetojë me punën e saj, me nder, pa u bërë pre e presioneve të asnjë drejtuesi. I kërkoj falje që nuk ia mbroj dot dashurinë e saj, që po ia kthejnë në pazar lekësh, se dashuria e saj është dashuri. I kërkoj falje që nuk e mbroj dot dhe nuk jam pranë saj, sot që ka nevojë dhe nuk ia fshij dot lotët. Mjaft! Nuk rregullohet shoqëria shqiptare me fyrje, sharje dhe mllef! Ju kërkoj falje që keni kaq mllef për njëri-tjetrin, pasi nuk e drejtoni atë ndaj bosëve të vërtetë të nëpërkëmbjes suaj. I kërkoj falje dhe atyre që do më shajnë, sepse nuk kanë kohë të ndalin kohën e mllefit të brendshëm, siç e thotë një filozof shqiptar: “Tanatosin” brenda tyre, por pa kthyer sytë nga vetja, shajnë dy të rinj 28-vjeçarë dhe një nënë, që do të mbrojë fëmijën e vet deri në vdekje. Bëhuni të zgjuar dhe mos u mashtroni ditën me diell: “Bosët e drogës janë gazetarët, që u pasuruan me shitjen e fjalës së lirë, që kanë vila disa milionë euro, policët dhe politikanët”, shkroi nëna e Viola Spiros.
Burimi: Facebook
