Rreth një muaj më parë, reperi Capital T hodhi në treg këngën e tij më të re të titulluar “Akull”.
Kënga po pritej me padurim nga fansat dhe madje u përhap në rrjet para publikimit të saj zyrtar.
Mirëpo, për shkak të një problemi me të drejtat autoriale të disa motiveve indiane të përdorura në këngë, Youtube e bllokoi projektin e reperit.
Pas kësaj Capital T, tregoi se po punonte për rikthimin e këngës dhe brenda pak ditëve kënga “Akull” u publikua sërish në “Youtube”.
Lidhur me këtë çështje, Capital T ka folur mbrëmjen e sotme në emisionin “NIN”.
Reperi u shpreh se nuk ishte në dijeni të kësaj vjedhjeje pasi këngën e kishte blerë.
Ai tregoi se krijuesit e melodisë indiane janë shumë të fuqishëm në Youtube dhe bllokuan këngën menjëherë.
Më pas ata i kishin dërguar e-mail reperit, por për shkak të situatës në Shqipëri, Capital T nuk u kishte kthyer dot përgjigje në moment.
Pasi u qetësua situata, Capital foli me kompaninë dhe kënga u rikthye sërish.
