Fashionista italiane Chiara Ferragni ka kaluar disa momente të vështira, pasi djali i saj i është nënshtruar një operacioni. Ajo e ka ndarë në Instagram këtë gjë të dhimbshme për të dhe bashkëshortin.
Leo i vogël kishte ujë në veshë që prej lindjes dhe rrezikonte të humbiste dëgjimin. Fatmirësisht pas një procedure të thjeshtë, vogëlushi është dërguar në shtëpi ku gëzon shëndet të plotë:
“Këtë mëngjes Leo ynë i vogël iu nënshtrua një procedure shumë të shpejtë në Spitalin e Fëmijëve për të vendosur disa tuba në veshët e tij për të hequr qafe disa lëngje që i ka pasur që kur lindi dhe që mund të shkaktojnë humbjen e dëgjimit në kohë të gjatë. Procedura ishte e shpejtë dhe super e thjeshtë kështu që ne jemi super të lumtur që e bëmë dhe ai është në shtëpi tani me ne”.
Chiara shkruan në Instagram se të qenit nënë dhe të shohësh një fëmijë me dhimbje të bën të ndihesh sikur po vdes.
“Duke parë kaq shumë prindër që u duhet të jenë prezentë në operacionet e zemrës së fëmijëve të tyre, më bëri të qaj pa pushim dhe të kuptoj vërtet se kur ti dhe familja jote keni shëndet, nuk mund të ankoheni”.
