Historia e tri nënave që nuk njiheshin me njëra-tjetën, por që i bashkonte e njëjta ngjarje, u bënë protagoniste tek programi “Dua të të bëj të lumtur”.
Në redaksinë e programit kishin ardhur 6 histori të njëjta, ku nënat nuk dinin se çfarë kishin ndodhur me fëmijët e sapolindur të deklaruar të vdekur nga spitalet. Në studio kishin ardhur zonjat File, Nadiola dhe Resmia të cilat rrëfyen historitë e jetës së tyre dhe fatkeqësitë që i kishin ndodhur. Të trija nënave u ishte thënë nga mjekët se fëmijët kishin lindur të vdekur ose kishin ndërruar jetë pas lindjes.
Kanë kaluar më shumë se 30 vite dhe nënat janë të bindura se fëmijët e tyre jetojnë. Pas shumë kërkimeve që ato kishin bërë, kishte rezultuar që të dhënat nuk përputheshin në regjistrat e spitaleve përkatëse. Për këtë arsye tri zonjat i ishin drejtuar programit “Dua të të bëj të lumtur” për të bërë publik rastin dhe për të marrë një përgjigje nga instancat shtetërore.
Fatkeqësisht moderatorja, Arbana Osmani lexoi përgjigjet zyrtare të institucioneve përkatëse në të cilat thuhej që një pjesë e regjistrave ishte djegur dhe se kishte mungesë informacioni, duke e lënë kështu plagën e hapur.
Burimi: Revista Who
