Janë të njohura historitë e veçanta të suksesit të djemve si Mark Zuckerberg apo Steve Jobs. Këta të rinj si këta që sapo përmendëm kanë pasur një gjë të përbashkët, një superide të padëgjuar më parë dhe një vullnet të jashtëzakonshëm për ta vënë në zbatim.
Ne po ju njohim me një histori të bukur dhe të suksesshme të një djaloshi nga Italia, që pati një ide aq briliante saqë Google kërkoi t’ia blinte. Ku ndodhet ai sot? Ne që jetojmë në Shqipëri, por edhe të gjithë ata turistë që duan ta shohin vendin tonë, do të kenë fatin që të përdorin një nga teknologjitë më të veçanta të prodhuara ndonjëherë, që mban emrin Tourmake dhe është krijuar nga Giuseppe Trisolini. Informacioni dhe fotot e tij janë mjaft të kufizuara online, ndaj dhe Iconstyle.al sjell një histori të veçantë për herë të parë:
Giuseppe Trisolini është një i ri nga Bari i Italisë që ka pasur një fëmijëri disi të vështirë. Ai jetonte vetëm me të ëmën në një shtëpi me qira, pasi prindërit e tij ishin të divorcuar. Në atë kohë, Giuseppe i lutej të atit për t’i blerë një kompjuter. Por refuzimi i shpeshtë nga ana e të atit, i cili jo vetëm që nuk kishte mundësi ekonomike por dhe e urrente teknologjinë, e nxiti Giuseppe-n të krijonte Tourmake, një projekt që ka të implementur Google Maps, dhe ofron udhëtime virtuale nëpër biznese, në mënyrë që t’i promovojë ato.
Djali i vogël, gjeni në kompjuter, e krijoi këtë gjë në shtëpinë e vet me një komshiun e tij. Dy të rinjtë e filluan si lojë me dy kompjuterë. Më pas filloi promovimi te bizneset e lagjes, të cilave u ofronin shërbime të vogla dhe papritur një ditë i vjen një ftesë nga Google, ku shkruhej: Zotëri ju presim në Londër!
Pasi merr avionin, Giuseppe shkon në një nga kompanitë më të mëdha në botë, për të marrë një ofertë aspak të pëlqyeshme. Google i ofron para për t’i blerë idenë, por çmimi i ulët, bëri që Giuseppe të ndjente se puna e tij nuk ishte aq e vlerësuar sa duhej, ndaj u tregua i prerë: Faleminderit por nuk e shes.
Pasi kthehet në Itali, Giuseppe flet me një nga konsulentët e biznesit, i cili i thotë: “E di pse nuk ta kanë vlerësuar punën? Sepse ti ke thjesht një ide, nuk je një komani e madhe. Një biznes i madh duhet të ketë disa fusha jo thjesht idenë, duhet të ketë marketing, duhet të ketë prodhim dhe shitje”.
Duke dëgjuar këto këshilla, Giuseppe ndërtoi prodhimin dhe shitjen e shërbimit nëpërmjet një “call center” të vogël. Ai punësoi operatorë për të marrë bizneset në telefon dhe për t’u ofruar mundësi sesi të promovohen. Në momentin që këto biznese pranonin, ata linin takime.
Giuseppe ndërtoi 4 grupe pune, fotografët, agjentët në terren, “call center”-at dhe sektorin e prodhimit. Në vitin e katërt të punës, e thërret sërish Google dhe vlera e projektit të tij arriti shifrat 32 milionë euro. Duke ditur rëndësinë e punës, Giuseppe nuk pranoi sërish të shiste idenë e tij, por u bë partner me Google dhe i dha aksione në kompaninë e tij. Sot edhe kësaj dite, Google ende këmbëngul që të bëjë të tijën këtë projekt.
Si funksionon Tourmake
Nëse ende nuk e keni kuptuar qëllimin e Tourmake, ne po jua sqarojmë më thjeshtë: Imagjino sikur je i shtrirë në kolltukun tënd dhe të lind ideja për të darkuar në një nga restorantet më të njohura të Tiranës. Ti mund të hysh nga kompjuteri yt ose telefoni, të prenotosh një tryezë në restorant, madje mund të zgjedhësh edhe atë tryezën që ndodhet afër dritares (nëse është e lirë) ose të shohësh menutë dhe gatimet e ditës.
Një gjë e tillë mund të bëhet edhe me rezervimin e vendit në avion, apo të një veshje që sheh në një dyqan në qendër tregtare.
Tourmake mundëson që t’i të shohësh në 3D të gjitha këto dhe me një klik dhe të marrësh shërbimin e duhur. Ky udhëtim virtual tashmë do të mundësohet edhe në Shqipëri, falë Tourmake, i cili tashmë ka mbërritur në vendin tonë.
Po Shqipëria çfarë përfitimi ka?
Nëse vërtet u inspiruat me këtë histori, atëherë do të gëzoheni kur t’ju themi se kjo teknologji e fundit po përdoret edhe në vendin tonë, për të promovuar bizneset, dhe bukuritë natyrore që ka Shqipëria.
Goonext Albania është përfaqësuesi zyrtar i kësaj teknologjie dhe i këtij shërbimi unik, i cili i kalon kufijtë e një turi të thjeshtë virtual. Aplikacioni “Welcome Albania”, (Kliko këtu) do të ofrojë mundësinë e promovimit të këtyre vendeve, duke prezantuar në mënyrë virtuale të gjitha qytetet turistike, hotelet, restorantet, baret, pikat e shërbimit dhe monumentet e kulturës të cilat kanë vlera të rralla në vendin tonë.
Ata që do të zgjedhin Shqipërinë për pushimet e tyre, do të arrijnë që përmes këtij shërbimi të shohin destinacione virtuale, të njohin bukuritë e Shqipërisë kudo, plazhet e saj, malet, lumenj e pika turistike që janë pjesë e Trashëgimisë Botërore të UNESCO-s. Por më e bukura është se do të munden që të prenotojnë online me një klik, dhomën e hotelit, ta zgjedhin se si dhe ku e duan dhe të prenotojnë drekën apo darkën në një restorant buzë detit.
Portali ju mundëson udhëtime 360 gradë nëpër Shqipëri dhe komunikime në kohë reale me bizneset online.“Welcome Albania” tashmë është lancuar dhe mund të klikoni në http://www.welcomealbania.com për të eksploruar të gjithë Shqipërinë nga veriu në jug. Për ta pasur në celularin tuaj, nëse keni Android mund ta gjeni si aplikacion në Play Store (Shkarko këtu), ndërsa për iOS, aplikacioni mundësohet në APP Store (Shkarko këtu).
