Liridon Mustafa, vëllai i këngëtareve të njohura në Kosovë “Motrat Mustafa”, është arrestuar nga autoritetet policore.
Bëhet me dije se Liridoni akuzohet nga efektivët se ka dhunuar bashkëshorten e tij.
Ka qenë denoncimi i një gruas së tij që ka bërë të mundur arrestimin e të riut. Thuhet se Liridon Mustafa ka dhunuar bashkëshorten e tij, duke i shkaktuar plagë të rënda e duke bërë që ajo të përfundojë në spital në gjendje të keqe.
Teksa i riu ende nuk ka dhënë dëshminë e tij në autoritetet policore, janë pritur edhe reagimet e të afërmve të tij.
Kështu, së fundmi, lidhur me këtë lajm kanë folur për herë të parë dhe motrat e tij të pakënaqura, të cilat duket se nuk i ka pëlqyer aspak lajmi.
Ka qenë Lule Mustafa, njëra prej motrave të tij, që nuk e ka pritur mirë qarkullimin e njoftimit nga burimi policisë, duke e mohuar plotësisht aktin e të vëllait.
Ajo ka bërë një reagim mjaft të ashpër kur ka telefonuar mediat kosovare. Këngëtarja ka përdorur një gjuhë kërcënuese dhe fyese ndaj tyre. Madje, ajo nuk ka kursyer as sharjet në drejtim të gazetares.
Lule Mustafa i ka akuzuar rëndë mediat se po përdorin lajme të tilla për të fituar klikime dhe për të rritur shikueshmërinë.
