Legjenda e muziks amerikane, R. Kelly është dënuar me 20 vite burg për krime seksuale ndaj të miturve. Gjykata Federale e Çikagos e dënoi reperin me burg, për rastin e pornografisë së fëmijëve dhe joshjes së një të mituri ku përfshihej kumbara e tij.
“Robert Kelly është një grabitqar seksual serial i cili, gjatë disa viteve të fundit, ka synuar në mënyrë specifike vajzat e reja dhe ka bërë gjëra të ndryshme për të mbuluar abuzimin e tij. Edhe sot e kësaj dite, edhe pas vendimit të jurisë kundër tij, Kelly refuzon të pranojë përgjegjësinë për krimet e tij”, thanë prokurorët.
Ai është dënuar tashmë me 30 vjet në qershorin e kaluar pasi një gjykatë federale e Nju Jorkut e shpalli fajtor për zhvatje, shfrytëzim seksual dhe prostitucion të detyruar.
Kelly është një nga artistet më të famshëm që është dënuar për ofendime seksuale gjatë zbulimeve të lëvizjes #MeToo kundër ngacmimeve dhe abuzimeve seksuale.
Avokatja mbrojtëse e Kelly-t, Jennifer Bonjean, i ka kërkuar gjykatësit që të lejonte Kelly të vuante dënimin e tij të fundit njëkohësisht me dënimin e mëparshëm, që do të thotë se ai i ka vuajtur ato në të njëjtën kohë. Ajo tha se një dënim tjetër do të shtonte një “dënim të dytë të përjetshëm“.
Kumbara e tij, tani 37-vjeçare pretendonte se këngëtari kishte bërë seks me të qindra herë para se ajo të ishte e rritur dhe marrëdhënien e tyre të parë ndodhi kur ajo ishte 14 vjeç. Jane u ankua se R. Kelly e detyroi të kryente marrëdhënie seksuale me të, ndërsa deklaroi gjithashtu se ai kishte në posedim një video erotike me të.
