Pamjet që shihni më poshtë tregojnë momentin e vrasjes më thikë të shqiptarit Alfons Doçi në burgun grek pas një përleshje të ashpër. Nga sherri mbeti i plagosur dhe një shqiptar tjetër. Nga video e publikuar nga Protothema.gr shihet momenti kur dy të burgosur i afrohen Doçit dhe e sulmojnë më thikë.
Për çfarë akuzohej Alfons Doçi?
35-vjeçari ishte dënuar për dy vrasje. Në vitin 2017, Doçi raportohet se kishte vrarë një biznesmen në Atikën Perëndimore gjatë një grabitjeje dhe pak kohë më vonë një të moshuar, gjithashtu gjatë një grabitjeje. Në vitin 2018, gjatë transferimit në Kretë, ai u arratis nga anija dhe u arrestua dy ditë më vonë në një shtëpi në Nea Filadelfia.
