Ish-missi dhe prezantuesja Hygerta Sako vendosi që të flasë hapur për jetën e saj private. Në një intervistë për emisionin “Tek Unë”, Sako tregoi edhe lidhur me marrëdhënien e saj me vajzën 10-vjeçare, Anais.
E pyetur lidhur me faktin se sa e vështirë ishte t’ia shpjegonte Anaisit ndarjen nga bashkëshorti dhe të gjithë ndryshimin në të cilin kishte kaluar familja, Hygerta tha:
“Nuk e pata shumë të vështirë t’ia shpjegoja, sepse në momentin që t’i tregon të vërtetën, në momentin që ajo ndihet e rrethuar nga dashuria, nuk ka përse të vuajë asgjë. Asaj nuk i mungon asgjë, pavarësisht se është në këtë lloj situate. Ajo ka dashurinë e babait, të nënës, të gjyshërve, se është dhe e vogla e nipërve dhe mbesave. Kështu që nuk ka patur asnjë problem të tillë”.
