Historia e tyre është shumë e trishtë, historia e një dashurie që u pre në mes! Mustafa Sezgin Seyman dhe e fejuara e tij Sezen Arseven ishin dy nga 500 të pranishmit në klubin Reina në Stamboll, mbrëmjen kur ndodhi atentati që mori jetën e 39 personave.
Mustafai dhe Sezeni do martoheshin këtë vit, mirëpo ai humbi jetën teksa mundohej të mbronte të fejuarën duke i dalë para plumbave. Media turke “Hurryet” shkruan sot se e fejuara Sezen Arseven, e cila mbeti e plagosur, i ka emocionuar të gjithë me një poezi që ka shkruar për dashurinë e jetës së saj.
Dedikimi i saj kushtuar të fejuarit:
Nga vendi ku shkuam bashkë, po kthehem e vetme
Personi që kujdesej që unë të isha gëzuar e plot me dashuri,
Që edhe në gjumë më dhuronte puthje,
Në këto momente ka mbetur vetëm kujtim në foto,
Do të pres në vendin që gjithmonë më prisje!
Dashuria jonë mbeti përgjysmë…bashkëshorti im!
Miqtë e mi, humba dashurinë e jetës time!
