Presidenti i zgjedhur i SHBA, Joe Biden është përlotur gjatë një takimi virtual me mjekët dhe infermierët që shërbejnë në spitalet ku trajtohen të infektuarit me koronavirus.
Ndërsa dëgjonte rrëfimin e njërës prej infermiereve, Meri Turner, ai ka kujtuar të birin e ndjerë dhe nuk është përmbajtur.
Tani për tani, infeksionet me COVID-19 po rriten në të gjithë Minesotwn dhe vendin. Unë ju them se spitalet tona janë të tejmbushura me pacientë me COVID dhe ne nuk jemi të përgatitur. Ne nuk kemi burimet e nevojshme për të mbajtur të sigurt pacientët dhe punëtorët tanë. Infermierët po ndihen jashtëzakonisht të shqetësuar tani,” tha ajo.
Ndërsa Biden pas kësaj ka thënë së është i emocionuar dhe pasi ka kaluar shumë kohë në pavionet e spitaleve duke u marrë me sëmundjen e djalit të tij, Beau. Biden më tej, hodhi fajin për këtë gjendje të spitaleve të SHBA-së, paraardhësit të tij Trump duke e akuzuar se ka qenë i papërgjegjshëm dhe nuk e ka menaxhuar situatën e Covid-19.
Biden tregoi se është emocionuar, pasi i janë kujtuar muajt që ka kaluar në njësitë e Kujdesit Intensiv, kur djali i tij i ndjerë Beau luftonte me kancerin e trurit.
“E dini çfarë bëra për një kohë të gjatë pasi dolëm nga spitali? Kur isha zv.president shkoja dhe i çoja darkën apo ushqime për infermierët që ishin në turnin e natës dhe një infermiere më tha që njerëzit kur ikin nga këtu, ose largohen dhe nuk kthehen më sepse duan të harrojnë atë që kanë përjetuar ose i nxjerrin për të mos u kthyer më kurrë. Dhe unë dua shumë t’ju falenderoj ju të gjithëve, ju falenderoj”.
SHBA-ja është vendi më i prekur në botë nga Covid-19. Që nga fillimi i pandemisë atje janë regjistruar 12,277,024 persona me Covid-19 ndërsa 260,312 të tjerë kanë humbur jetën.
