Artisti i njohur Zayn Malik ka shtyrë pjesën e turneut të tij të ardhshëm në SHBA, pas humbjes së shokut të tij të ish-grupit “One Direction”, Liam Payne. Payne vdiq në moshën 31-vjeçare, pasi u rrëzua nga kati i tretë i ballkonit të hotelit në Argjentinë të mërkurën.
Malik ishte gati të fillonte turneun e tij në SHBA javën e ardhshme – duke filluar me një shfaqje në San Francisko të mërkurën. Megjithatë, këngëtari u tha fansave se po i shtynte shfaqjet – duke thënë:
“Duke pasur parasysh humbjen zemërthyese të përjetuar këtë javë, unë kam marrë vendimin të shtyj pjesën e “Stairway to the Sky” në SHBA”.
Pjesa amerikane e turneut të Malik do të vizitonte gjithashtu Las Vegas, Los Anxhelos dhe Uashington DC, duke përfunduar në Nju Jork më 3 nëntor. Ai u ka thënë fansave në X se datat do të ricaktohen për në janar dhe biletat do të mbeten të vlefshme për datat e reja.
Kujtojmë se të enjten, Malik nderoi Payne, duke thënë se ai “do t’i ruaj të gjitha kujtimet që kam me të në zemrën time përgjithmonë”.
