Ai e kishte humbur shikimin kur ishte fëmijë, si pasojë e shpërthimit të një bombe të vjetër të mbetur nga lufta, në oborrin e shtëpisë së tij. Ajo e kishte dashuruar ashtu siç ishte, duke dalë kundër kujtdo që s’e aprovonte lidhjen e tyre.
Kjo ishte historia e Frrokut dhe Gjelinës që i përloti të gjithë sot në studion e emisionit “ Dua të të bëj të lumtur”.
Frroku e kishte thirrur Gjelinën për t’i treguar publikisht dashurinë, por edhe për ta falenderuar që edhe pse i verbër ajo i kishte qendruar gjithnjë pranë. E shoqja u shpreh se gjithçka e kishte bërë në emër të dashurisë.
“Të ishin të gjithë si Frroku, kjo botë do të ishte më e mirë! E falenderoj për surprizën, por ajo që unë bëj vjen nga dashuria”.
Ja që histori të tilla nuk i shohim vetëm nëpër filma. Ato janë të gjalla dhe jetojnë mes njerëzve të zakonshëm, por me një zemër të jashtëzakonshme!
